【MPF BB班】廿年滾出「百萬MPF」 股榮:all-in年回報5%股票基金

《MPF BB班》分享會上周五圓滿結束,當晚有逾150人出席,場面非常墟冚,蘋果日報投資專欄作家股榮大爆百萬強積金必學三步曲,至於積金局對外事務部高級經理陳安定就同大家分享咗可扣稅自願供款有幾著數。 每個人投資風險胃納都唔一樣,剛投身社會嘅打工仔應該點樣做好強積金部署?股榮教路後生仔要all-in股票基金,仲要緊揸「宗旨」,目標係揀選年回報達5%或以上的基金。 假設收入每年增5%,強積金回報至少5%,廿年就可以達到首個目標—100萬強積金,如果可以按呢個節奏長線投資強積金,65歲絕對有機會滾存至超過600萬元! 有乜基金去年跑贏大市?你又知唔知去年推出、俗稱懶人基金嘅預設投資策略(DIS)回報跑贏幾多隻基金?詳情睇片啦! 打工仔未必知道有乜方法可以交少啲稅,積金局對外事務部高級經理陳安定就同大家分享可扣稅自願供款有幾著數,點樣先可以扣得最多稅!想知更多,記得收睇精彩重溫。
講座/FAN享會