發緊夢唔好死!杜汶澤座談《深切治療部》 嘗試解救「發夢者」心靈創傷

夢還沒有完!不過有時夢境太可怕,愈造夢心靈愈創傷!發夢者,同成個香港,更疑似病入膏肓,要進行「深切治療」……由《蘋果動新聞》、全新短片平台「一丁目」攜手設立,反送中運動期間邊抗爭邊嘗試自救之「解救心靈創傷後遺」座談節目《深切治療部》,由懷疑都需要同人傾下「救人同時自療」嘅杜汶澤,陪同真•臨床心理學家葉劍青,率先聆聽首波病患者包括──前線採訪記者、急救站救護員、後勤支援社工等之發夢經歷同心理所需,究竟發夢前後之情緒同心理變化是怎樣的?連同各種無力感、鬱結、迷思,例如點解香港變成咁?點解啲警察變成咁?點解我啲屋企人唔撐我……(不能盡錄)又可以點釋懷?
深切治療部