【全球樓行】36萬投資移民日本 珍珠奶茶老闆︰人未走 錢都要走先

反送中示威浪潮已持續至2020年,政府針對年輕人打壓,警暴問題又無止境,令港人對未來逐漸失去信心。有移居日本多年的港人Joey表示,身邊越來越多朋友向她查詢移民方法,甚至願意滙款數十萬至過百萬港元至日本,表明就算人未走,錢都要先走。

「大家都知香港個環境唔係太Stable,我有朋友話有錢都唔想留喺香港,想擺喺其他國家,因為都開始覺得有啲擔憂啦⋯⋯」本身在東京經營珍珠奶茶店的日本人妻Joey,最近連開三間分店,投資資金都是來自想走資的港人朋友,「本店以外,我自己開咗一間分店,第二同第三間就啱啱簽咗租約,一間會喺一月尾二月頭開業,一間就大約三月開,其實除咗呢兩間,我都仲有其他朋友有興趣投資。」

近年日本珍珠奶茶大熱,食正個熱潮,在香港有開樓上Cafe經驗的Joey,於是決心創業,跟日籍丈夫一同創辦名為「Tapigori」的猿人珍珠奶茶店。總店開業至今一年半,除了首月未能收支平衡,經營情況都十分理想而且穩定,「日本同香港最大分別係租金無咁高,好似呢段(反送中)期間幾個月都生意唔好,對香港中小企係好大壓力,但日本唔同,我哋成本最高係人力同食材,生意唔好呢兩樣都可以cut,租金成本比較低,都會容易啲生存。」

在香港做食肆就算生意好好,業主可以瘋狂加租,市道旺搶租時,甚至一兩年就趕你走,老闆想搬舖東山再起,除了裝修等成本要再計,連飲食牌照都要再申請,等於一切重新開始。

Joey明白香港飲食業的困難,租金隨時佔經營成本一半或以上,而日本則可壓在三分一成本左右,因此日本食肆可將更多成本,用於採購優質食材方面。以「Tapigori」為例,茶葉來自台灣,牛奶都用北海道的新鮮牛奶,還有沖繩黑糖、日本紅豆和抹茶,沖出來的珍珠奶茶充滿日本味。

「用日本食材首先就健康啲,珍珠就一定唔會有防腐劑同塑化劑,而日本奶本身已好味又有甜味,唔需要再落咁多人工糖水,如果飲抹茶鮮奶我覺得就相對會再健康啲。」Joey不是買花讚花香,記者試飲的黑糖紅豆抹茶鮮奶,味道跟香港具名氣的黑糖珍珠奶茶店真的相差很大,尤其沖繩黑糖的味道更出色,鮮奶亦香濃得多。

日本人對飲食要求很高,競爭又非常激烈,珍珠奶茶熱會否很快退潮被淘汰?「我相信情況會似香港十幾年前,初初就爆得好高,但慢慢就會穩定落嚟,變成一種恆常嘅飲品,我睇到係一個全球化普及情況,唔單單淨係一個短暫熱潮。」

不過,Joey做生意都相對穩陣,沒有到人氣地區如新宿、澀谷開店,反而選擇近民居的大山區商店街,專門做街坊、學生生意,夏天每日都可賣四、五百杯,冬天就減半賣二、三百杯,因此租金亦會較便宜,經營相對容易又具持續性。

由於日本租務法例偏向保護租客,業主不能瘋狂加租,租客只需準時交租,沒有違反合約,業主不能主動趕走租客,基本上你肯租,業主租一世都要。像Joey般開食店的老闆,就可預設較長的投資期,裝修又可花多些心思,回報壓力就相對沒有香港般大。

不過,日本營商環境亦有好有不好,例如業主通常都不會租給只有外國人老闆的公司,因怕溝通不來,另外業主又會要求租戶先繳6至12個月按金,旺區舖位甚至要求48個月按金亦有可能,而且還有給業主的兩個月禮金、給經紀的一個月佣金,以及等於一個半月租金的保險金。

Joey指在日本開店的前期投資金額較香港高,就算小本經營珍珠奶茶店,300呎舖位都要預至少600萬日圓(約42.6萬港元);一般像大山近鐵路站的500呎舖位,月租約40萬日圓(約2.8萬港元),預留資金要有約1,000萬至1,500萬日圓(約71萬至107萬港元);假如想到新宿等旺區開舖,就要看彩數業主收多少個月按金,隨時預留4,000萬日圓(約284萬港元)也可能只夠付按金而已。

記者︰鍾耀恆
攝影︰細釗﹑許碩允
編導︰許碩允
剪接︰許碩允
編撰︰吳美茸
---------------------
職場新手靠MPF可退休?
股榮 X 積金局陳安定
親身傳授「百萬MPF」煉成術
點擊參加【MPF BB班】FAN享會
-----------------------
屬於香港人的移民攻略
立即登入【全球樓行】
Dream House零距離
https://www.facebook.com/overseash/


大杯裝珍珠奶茶定價500日圓 (約36港元)。

大杯裝珍珠奶茶定價500日圓 (約36港元)。

日本人妻Joey(右二) 在一年半前與日籍老公松村先生,在東京民生區大山開設珍珠奶茶店。

日本人妻Joey(右二) 在一年半前與日籍老公松村先生,在東京民生區大山開設珍珠奶茶店。


相關新聞

  1. 【移民或受阻】消息指港警扣起示威者良民證 PPRB沒否認
  2. 【全球樓行】港人余氏三口 移居馬拉預四球:攞個保障,當買條後路
  3. 【全球樓行】沙巴直擊:當地人歡迎外資 港MM2H申請人數少
  4. 【全球樓行】大馬發展商提供首期折扣 花招營造零首期
  5. 【全球樓行】馬拉收樓無廁門 土著屋契最伏
  6. 【全球樓行】買大馬樓送國際學校學費 馬六甲不宜沾手
  7. 【全球樓行﹒馬拉篇】 移居怡保港女 ︰濕疹都好番 吉隆坡檳城咪搞
  8. 【全球樓行】港女沙巴搞生意!6000元月租1500呎開精品酒店 每月收入近四萬
  9. 【全球樓行】馬拉發展商︰寧揀公寓唔住House 爆水喉叫人不來
  10. 【全球樓行】登陸馬拉變高檔貨 缸瓦佬︰在香港無將來
  11. 【全球樓行】投資移民馬拉種榴槤 年收入逾億元咁盞?
  12. 【全球樓行】港人走資日本買地建獨立屋 600萬夠起三層日式大宅
  13. 【全球樓行】港人舉家移民東京創業 投資千萬經營旅遊巴迎奧運
  14. 【全球樓行】移民愛爾蘭 僅逗留1天可獲居留
  15. 【全球樓行】英國讀書拎永居權 入籍另有方法!
  16. 【全球樓行】100萬買曼谷新盤 質素交通回報大比拼
  17. 【全球樓行】港人逃亡馬拉 MM2H單月申請破10年記錄