【全球樓行】港人舉家移民東京創業 投資千萬經營旅遊巴迎奧運

香港人放假去日本,就當返鄉下般親切,現在香港社會環境如此不穩,警暴嚴重,港人不單止旅遊,有機會的話移民日本也未嘗不可。

投資移民日本的入場門檻其實不高,其經營管理簽證,申請人只要年滿20歲,在日本投資500萬日元(約35.6萬元港)以上開公司、收購或成為管理業務者,都可申請簽證,並攜帶家人在日本居留,即時已享有社福保障,連續住滿5年更可申請入籍。

在東京經營旅遊巴和旅行社業務的黃悅安Matthew,3年前看準2020年東京奧運及日本旅遊商機,投資近千萬港元創立株式會社五稜(Goryo),並成功獲批經營管理簽證,留居當地,目前他公司擁有14架大小旅遊巴,並聘有十多名司機及導遊,每月收支已大致取得平衡。

「其實你只要開一間公司,而你係Director,就有資格申請簽證,通常開始先批一年,而每年都會要求交公司Annual report,當局就會根據你公司狀況幫你Renew個簽證,過咗3至4年,公司穩定就會批長啲年期,可能由1年變做3年,甚至5年。」

Matthew就話,日本人處事認真,續簽簽證時官員都會認真仔細研究公司年報,以免外國人為求居留而在日本開空殼公司,不過就沒有要求業務必須賺大錢,「無話要賺幾多,或必定要投資某行業才獲批,其實日本呢幾年都比較放寬外國人來住、投資、讀書,只要正常經營同埋有交稅,就算賺好少錢都會續俾你,但如果真係蝕錢,其實你都會想走,因為可能連維持自己使費都唔夠。」

到日本生活可能是不少港人的夢想,但講到同日本人做生意,就完全是另一個世界。Matthew說,除了語言障礙要克服,亦要適應日本獨特的思考方式,「日本人比較唔Flexible,好多時你都要跟住佢哋步驟做事,呢個可能係香港人有啲難接受,無論官僚、階級觀念,或每一件事嘅程序都要跟到十足。」

香港人出名靈活變通效率高,但遇上一成都不願意變的日本人,就像矛盾大對決一樣。例如在香港申請商業登記,付錢2,000元後就兩日完成,但在日本除了開公司要有日本人拍檔,申請牌照隨時都要拖足一年,「我哋申請巴士牌照,由我哋預備間公司,到真係可以營運,都等咗差唔多1年,因為佢哋有好多個Steps,例如要先請好哂司機,租好停車場,間公司要Ready好哂所有嘢,先可以申請牌照。」

別以為有齊巴士和司機就可以在日本開業,Matthew還要溫書考一個官方營運巴士車隊的管理資格,又要考一個關於交通法例的考試,而且所有管理層都要考,全部合格才批准經營。日本官方有大大小小有關做生意的考試,不論甚麼行業都有相應的資格試,Matthew都鼓勵司機報考相關考試,以便日後協助營運公司。

除此以外,日本人的固執在生意上都有影響,例如日本人報當地旅行團時,只會幫襯傳統大公司,就算收費更貴,行程更少,他們都不介意,就是只信日本大品牌。因此,對於經營如Matthew新創立的公司就很困難,他惟有專注吸納外國如香港、東南亞、歐美等旅客。

「日本司機都唔似香港人咁靈活,例如外國客包車去玩,司機一定要拎住份運輸局批咗嘅行程表開車,如果突然改行程或想留耐啲某個地方,係唔可以,司機會拒絕,因為保險係會Claim唔到。」Matthew指,日本司機對守時一樣好嚴謹,對於外國客遲到集合導致行程延誤,都會感到非常懊惱,「日本人連旅行都覺得要守時,10點出發就10點,外國人來旅行輕輕鬆鬆,以為遲少少無所謂,但日本司機就會好緊張打返公司問,其實都只係遲咗5分鐘。」

Matthew指日本人對於這些突如其來的變化,都比較難接受,所以經營生意都要花時間磨合。加上,中國旅客近年在日本爆買、破壞公物、打尖等惡行,惹怒不少本地人,就算Matthew日文流利,都不時會在餐廳、商店受到明顯的黑面等不友善對待。總之,以外國人身份在日本生活和做生意,都有很多要適應的事情。

雖然港日兩地有種種文化差異,但Matthew由於曾在日本讀書,相對較為理解,亦容易適應。而他認為日本營商環境較香港穩定,社會體制都十分完善,「我爸爸做了30幾年生意,畀過我好多建議,就覺得國內發展嘅成本越來越高,人工方面呢幾年升緊兩三倍,而香港就係租金問題太高,反而日本就相對所有嘢都比較穩定,前景亦較容易預測。」

原本Matthew有意繼承父親生意,但其內地製衣業務已競爭太大,倒不如向外闖一門新生意;加上,近半年香港局勢緊張,政商環境都越來越惡劣,這選擇似乎非常正確。他指自己身邊很多朋友最近都向他取經,查問移民日本經營生意的經驗,所以暫時他會選擇繼續留日本發展,亦建議港人如想移民就要好好早作準備,「近期日本人如知道你係香港人,都會同你講句加油,真係會㗎,我諗佢哋都相對支持香港人。」

記者 鍾耀恆

-----------------------
屬於香港人的移民攻略
立即登入【全球樓行】
Dream House零距離


三十多歲港人黃悅安,三年前投資近千萬港元創立旅遊巴公司株式會社五稜(Goryo),並成功獲批經營管理簽證,留居當地。

三十多歲港人黃悅安,三年前投資近千萬港元創立旅遊巴公司株式會社五稜(Goryo),並成功獲批經營管理簽證,留居當地。


相關新聞

  1. 【移民或受阻】消息指港警扣起示威者良民證 PPRB沒否認
  2. 【全球樓行】港人余氏三口 移居馬拉預四球:攞個保障,當買條後路
  3. 【全球樓行】沙巴直擊:當地人歡迎外資 港MM2H申請人數少
  4. 【全球樓行】大馬發展商提供首期折扣 花招營造零首期
  5. 【全球樓行】馬拉收樓無廁門 土著屋契最伏
  6. 【全球樓行】買大馬樓送國際學校學費 馬六甲不宜沾手
  7. 【全球樓行﹒馬拉篇】 移居怡保港女 ︰濕疹都好番 吉隆坡檳城咪搞
  8. 【全球樓行】港女沙巴搞生意!6000元月租1500呎開精品酒店 每月收入近四萬
  9. 【全球樓行】馬拉發展商︰寧揀公寓唔住House 爆水喉叫人不來
  10. 【全球樓行】登陸馬拉變高檔貨 缸瓦佬︰在香港無將來
  11. 【全球樓行】投資移民馬拉種榴槤 年收入逾億元咁盞?
  12. 【全球樓行】港人走資日本買地建獨立屋 600萬夠起三層日式大宅
  13. 【全球樓行】36萬投資移民日本 珍珠奶茶老闆︰人未走 錢都要走先
  14. 【全球樓行】移民愛爾蘭 僅逗留1天可獲居留
  15. 【全球樓行】英國讀書拎永居權 入籍另有方法!
  16. 【全球樓行】100萬買曼谷新盤 質素交通回報大比拼
  17. 【全球樓行】港人逃亡馬拉 MM2H單月申請破10年記錄