Innovator visa為期3年,可無限次續簽,符合條件可申請永居。

Innovator visa為期3年,可無限次續簽,符合條件可申請永居。

【創業起義】申請英國Innovator visa竅門係咩?(尹思哲)

上回提到,Start-up visa只係第一步,適合留學生居多,Innovator visa至係真挑戰。


簡單嚟講,Innovator visa為期3年,可無限次續簽,符合條件可申請永居;開新公司要投資5萬鎊,現有公司只要有endorsing body背書,則唔使額外投資。原則上,公司需簽合創新、可行及可拓展三個重要原素。


坊間唔少移民顧問,以「苛刻」去形容Innovator visa,其實係曲解晒英國政府原意。因為佢地客路,大部分本身唔係創業者,又唔係做科研出身,夾硬去申請Innovator visa,即係去呃人,英國政府都唔係傻,試問又點會容易呢?


在我睇嚟,如果本身係創業者,做開tech startup,要符合申請Innovator visa嘅基本要求,根本係易過借火,至少對大部份本欄讀者嚟講。


呢個創新者簽證,重點在於,要有endorsing bodies,而英國都係參考其他國家嘅類似簽證,將審批權外判俾Startup incubator或者accelerator機構。


講到底,絕大部份呢啲機構,都係一盤生意,佢哋生意要成功,首先要拎少量股份,然後希望自己押對注,收到嘅公司,會係未來嘅Klook或者Lalamove。


換言之,endorsing bodies只推薦自己有股份嘅alumni,根本係無可厚非,亦符合英國政府嘅政府原意。與此同時,佢吔審查會好認真,因為靠個招牌揾食,萬一收咗個「英版磁能線」,醜聞纏身,檔生意就唔使再做。


而家好多人問,點至揾到endorsing bodies背書?因唔少朋友,主動發電郵俾對方,結果都係石沈大海。事實上,呢啲機構好需要優質團隊加盟,單靠一封電郵,好難判斷間公司堅定流,咁梗係唔覆你。


要知道,係Start-up嘅世界,創辦人不斷識人、揾朋友connect投資者、物色潛在商業拍檔,本來就係常態。同時,絕大部分endorsing bodies,亦係靠自己人脈,去推薦同介紹新嘅團隊。


例如最近,就有入咗某國accelerator嘅朋友問我,有冇好嘅香港團隊推薦。而基本上入咗program,就鐵定攞到該國start-up visa。


尹思哲

昔日文章重溫:
【創業起義】移民留低一樣要勇氣(尹思哲)
【創業起義】英國創業移民難唔難?(尹思哲)

investMAN
For People of Style & Substance
掌握理財智慧 感受生活品味
http://investMAN.hk