對絕大部份人而言,移民與否,掙扎在於收入和工作。

對絕大部份人而言,移民與否,掙扎在於收入和工作。

【創業起義】移民英國唔想打工可以點?(尹思哲)

我移民日子尚短,但自從英國宣布放寬BNO移居條件,我已做先後做過3次直播,分享自己的移民經驗。


對絕大部份人而言,移民與否,掙扎在於收入和工作,可能是為了生計和錢,可能是不想放棄事業,結果是思前想後,不知道如何是好。


我身邊的創辦人朋友,其中有一小撮人,隨時可動身移民,去到世界各地,都能做到既不用放棄事業,完全不用炒股或買樓收租,也可以保持每月穩定收入。


他們究竟是怎樣做得到?首先,他們產品的開發和生產,本身完全不受地域限制,例如網上翻譯平台、網上交友平台、數碼筆記APP、時間管理軟件及個人生產力網上課程等;其次,無論經營幾多個全球不同市場,除了語言以外,基本上太需要額外的地方智慧,亦即只要翻譯得好,產品不需要額外微調,也不用在當地請專人做country manager。


或者大家認為,我這些朋友搞的都是tech startup,肯定全部都是IT人?其實他們5位創辦人,其中有3位是IT人,有兩位大學讀econ或bba,本身根本不會寫code。


無論係移民好,定抑或創業好,我個人認為最終目標,其實離不開係為咗自由,其中包括個人言論自由、創辦人財務自由、以至係世界任何地方定居嘅自由。


無錯餐飲或零售行業嘅創業門檻,係相對稍低,但問題係一來極需要地方智慧,唔係當地居住一段時間,都好難有把握做得好,二來傳統行業需要肉身居於當地,住唔慣唔可以話走就走,三來傳統行業多數係紅海,做得再好都要面臨好大競爭。


各位有心移民的讀者,除非您本身優勢或興趣,根本就係傳統行業,若你決心創業唔想打工,咁點解唔㨂可以走遍全界嘅新經濟題目?


生命好短暫,移民好創業都好,請大家記住,無論係英國還是香港,可以做返自己,做有passion嘅事情,往往至係創業成功嘅最佳保證。


未來日子,我會努力連接英國嗰邊嘅香港創業者,定期為大家帶來英國嘅港人創業故事。


尹思哲


investMAN
For People of Style & Substance
掌握理財智慧 感受生活品味
http://investMAN.hk