果盤Life is Fruity 為生活調味

旅行團全數蒸發 韓旅行社港男老闆未驚過:韓國政府幫到手

初認識在韓國落地生根的香港人Andy Lam時,他已經是一位相當冷靜的導遊,多年後身份由導遊變成當地旅行社老闆,再遇已是武肺令旅遊界變天之時。2月開始疫情爆發,旅遊業收入一併進入真空期,Andy做老闆同時是一家之主,擔帶多了,要解決的問題也多了;幸運的是,Andy面對衝擊仍能夠保持一貫冷靜,EQ高自是個人修為,但韓國政府果斷解決問題的政策,令旅遊業老闆及員工都可以安心!

疫情壓境 賞雪賞櫻團煞停

Andy是韓國在地旅行社「Together Travel 」的老闆,承包香港旅行社到韓的導遊服務,今年1月20日出現首宗武漢肺炎感染個案,事件卻未為大眾所關注。Andy憶述:「1月已經知有武漢肺炎,但都未有對旅客有影響;直到2月,大概農曆年後,疫情變得嚴峻,滑雪團相比上年跌咗70%;4月櫻花團就更加唔使講,全部取消。4-6月係我哋做交流團、考察團旺季,日子係咁過,一個一個團相繼延遲,直到現在係完全取消。」雖然韓國最嚴重的疫區是大邱和慶尚北道,但一為防止疫情擴散,二為條例所限,旅行社不能做本國人的「本地遊」生意,想像得到作為老闆有多頭㾗。

政府津貼貸款度過疫境 吸取教訓韓人改陋習

頭痕歸頭痕,即使初期的防疫措施薄弱,疫情廣為擴散令韓國政府備受抨擊,然而亡羊補牢,及後的疫情管理,加上各種救市方案,國際輿論對韓國政府的評論由貶到褒來個大反轉,Andy同時是救市受惠者:「收入完全冇進賬,令人安心嘅係政府同埋旅遊業界幫旅行社支薪畀員工,政府佔7成,業界佔3成,由3月可以申請,約2個月可以收到錢。另一件事值得一讚,就係政府發放低息貸款,由7千萬至1億韓圜(約44-63萬港元),對我哋呢啲中小企實在大有幫助。」縱使韓國人經歷過沙士、MERS,根據他的觀察,武漢肺炎初期韓國人仍抗拒戴口罩,亦有人隨地吐痰,但經過官方宣傳,到現階段民眾已經習慣戴口罩,也少見了隨地吐痰的人。

冇限聚令家人「無限聚」

申請政府津貼的其中一個條件,是要旅行社的員工不用回公司上班。跟全世界一樣,Andy及同事都一起work from home,Andy 笑道:「韓國旅遊業咁勁,平時四圍走都未停過,而家可以陪下啲細路同屋企人,多咗好多親子時間。韓國冇限聚令,我覺得自己啲麻雀技能提高咗;有啲朋友就學咗煮咖啡,有啲又整下叉燒、燒賣呀點心咁,我估疫情過後應該都會多咗啲點心舖,個個都學咗新嘢!咁講工作方面,有啲朋友平時都係點下頭,而家就多咗好多時間同佢哋傾得深入啲,多咗了解佢哋有咩才華,開展合作機會。呢段時間我又發現好多香港人喺韓國開餐廳做貿易咁,但係韓國啲中華料理,好少係港式,所以都會考慮投資做港式食肆。」


然而說到本行,Andy表示不太擔心:「當年沙士都經歷過V形反彈,只要公司本身資金充足,也有準備,就能過渡甚至追番業績。但希望韓、港政府盡快解除14日隔離政策,航空公司可以提供超優惠價畀旅行社,旅客就有更大誘因出門,更快振興韓國觀光事業!」



撰文:聽葡


編輯:吳允、鄒仲安

-----------------------------


改善睡眠質素.助你安神減壓


《保健精讀:失眠》 秒速入眠


-----------------------------


抗病經歷・醫護報料


歡迎分享到《健康蘋台》報料專線: https://bit.ly/2vPHzrT

港人Andy Lam在韓國落地生根,開設Together Travel旅行社專接香港團。 
農曆年假期時,KF94口罩紛紛加價至5千韓圜,2月5日政府宣佈限制口罩出口。現時同款口罩價格回落至3千韓圜,加上政府每星期配給兩個口罩(1,500韓圜一個),可算令民眾輕鬆不少。
去年賞櫻時期,想找個空位拍攝也艱難;今年賞櫻熱點都禁止內進,市況冷清。
近期疫情已有紓緩迹象,但午飯時間弘大出口附近的延南洞,仍只得三數人走在街上。
弘大的小巷亦只得小貓三四隻。
相關

解構「N號房事件」背後仇女文化 衍生極端仇男平台討論「如何殺掉男人」

$1,513平飛首爾 跟美食公關去首爾覓食

入住酒店最高回贈10% 2020年退稅酒店清單

傳金正恩胞妹繼位 網民二創另類「性感獨裁者」

南韓僧侶吃飯嚴禁說話周圍望 食知其味米飯清湯泡菜鉢鉢清

韓國冰釣「Korea Fish」OUT!韓國冬季4大玩意

解構「N號房事件」背後仇女文化 衍生極端仇男平台討論「如何殺掉男人」

$1,513平飛首爾 跟美食公關去首爾覓食

入住酒店最高回贈10% 2020年退稅酒店清單

傳金正恩胞妹繼位 網民二創另類「性感獨裁者」

南韓僧侶吃飯嚴禁說話周圍望 食知其味米飯清湯泡菜鉢鉢清

韓國冰釣「Korea Fish」OUT!韓國冬季4大玩意

留言

Follow us

短線遊

長線遊

熱門內容

德國

德國免費讀大學4年可永居 港人工程師:「工搵我唔係我搵工」

加拿大

$11,000租住三層獨立屋 港人靠IT工申請永居 「收入少一半,但為小朋友成長是值得!」

英國

居英港人移民自白:BNO平權千年一見,蘇州過後冇艇搭

英國

英國七大熱門求職平台 執靚LinkedIn易獲獵頭賞識 Glassdoor睇面試經歷分享

英國

移民英國護士起薪得$17,000? 升學專家教你揀三大熱門專業學科

最新推出

Follow us

確定下載《》旅遊指南?
(豐富內容約 MB)