果盤Life is Fruity 為生活調味

移居貼士|11個慳家移居大法

舉家移民外地,無論是搬遷運輸、保險、稅項都應該及早計劃,先可以慳一筆。
舉家移民外地,無論是搬遷運輸、保險、稅項都應該及早計劃,先可以慳一筆。

呢期最hit講移民,無論plan緊定申請緊,目的地是英國又好、台灣又好,都應該及早計劃﹗以下11個慳家移居貼士,大家不妨睇睇!

1.識揀,揀海運

海運比空運平12至16倍!不過時間無得比,以中國運貨去美國為例,船運要20至30日,空運只是3天!但船運的碳足迹比空運少達44倍,加分!

2.嚴打拖延症

時間不等人,最後一刻才張羅,只能花大錢揀空運,又或遲兩三個月收貨。當知道目的地同大約幾時到埗就要plan了,最好提前3至4個月聯絡船運公司作安排。

3.格價專員上身

睇清不同船運公司報價細項,因為每間公司服務略有不同:點對點運輸、專業pack箱甚或保險等。懶人也可找Move Hub這類有報價服務的搬運網。

4.私家醫療保

雖然攞BNO移居英國,居留者月付醫療稅就可享用NHS的國家醫療福利,不過唔係個個國家都咁好福利。像東南亞和其他歐洲國家,對非國民來說,醫療費可以好甘,所以記得買份醫療保。都係嗰句,買之前,記得格價。

5.走資網上行

唔想蝕匯率差價同手續費畀銀行,可以考慮用網上服務。已有超過700萬用戶的Transfer Wise,就以真・外幣匯率轉錢,而且手續費相宜,有說比大銀行平8倍!

6 .揀啱timing買平機票

平機票不一定指廉航。除咗避開旅遊旺季出發,其實短途機票在出發日前7星期買早平,而長途機就最好預早18周購買,而有統計指,星期日買機票,比星期三出飛平得多!不過在這武肺時代,機票海鮮價,最緊要都係買一張可以隨時退款的機票。

7 .販賣斷捨離

寄少啲嘢,運費就更平!不忍心斷捨離,可幻想冇咗該物件的生活……大褸?搬去熱帶地方,不必咁多件了,賣出去仲有錢賺!大型物品,運費仲貴過買新的,無慮捨棄吧!

8.整箱運送 VS 集運?

船運,往往要揀整箱運送Full Container Load(FCL)或拼櫃運送Less Than Container Load(LCL)。就像網購時一般寄貨和集運,邊個平你識揀啦!但如果貨體積已有15立方米,即使只佔整個貨櫃的一半,還是應選FCL。因為海運運費以每立方米(CBM)計算,這時候用LCL的話就會比FCL貴2至3倍!而且FCL可直送屋企,LCL則要到集運點提貨。

9.整理稅項

移居前,記得通知原居城市的稅局,無理由交兩份稅嘛。

10.免交無謂關稅

你以為平常不過的物品,在別國可能是禁品,就如尼日利亞的原子筆、新加坡的香口膠,和美國的Kinder出奇蛋!清楚自己的入境物品清單,親自pack行李,就可避免無謂徵稅及罰款。

11,落戶便宜國家

選擇生活指數低的國家生活,自在輕鬆!喜愛陽光與海灘可揀東南亞國家,比澳洲平得多;但若注重醫療質素同教育又另當別論,最緊要了解自己的需要。

相關

移民英國免費睇醫生? 升學專家直播教你揀三大熱門專業學科

移民都要睇生活成本!指數最高城市香港3連冠 物價貴倫敦九條街

阿聯酋航空6大防疫措施 航機設「所長」管理廁所

住酒店新日常 房間要密封24小時 食早餐要訂位?

2020最清潔機場排名出爐 羽田5連霸!港三甲不入

香港學生限定 卡塔爾航空免費提供額外寄艙行李讓學生重返校園

移民英國免費睇醫生? 升學專家直播教你揀三大熱門專業學科

移民都要睇生活成本!指數最高城市香港3連冠 物價貴倫敦九條街

阿聯酋航空6大防疫措施 航機設「所長」管理廁所

住酒店新日常 房間要密封24小時 食早餐要訂位?

2020最清潔機場排名出爐 羽田5連霸!港三甲不入

香港學生限定 卡塔爾航空免費提供額外寄艙行李讓學生重返校園

留言

Follow us

短線遊

長線遊

熱門內容

韓國

韓國夏天版口罩KF-AD上市 價錢更平更透氣 便利店任買

環球

全球實時疫情Update 日網News Digest掌握日本各區患者數目

環球 澳洲 新西蘭 加拿大

水電工移民月入4萬 移民顧問:申請仲易過大學生!

泰國

泰國旅遊|記者實試古法泰式抓龍筋 睾丸按摩增強性功能?

英國

英國移民|點知自己有冇BNO身份?實試email英國護照署 一星期有回覆兼免費

最新推出

Follow us

確定下載《》旅遊指南?
(豐富內容約 MB)