果盤Life is Fruity 為生活調味

節目開拍無期 轉型拍片講動物 背遊達人梁彥宗:冇打算完全轉行

8A狀元梁彥宗(Chris),大學畢業後選擇做全職旅人。拍了4套背遊系列,去年更出版《就這樣,背遊地球》一書。武漢肺炎令旅遊業大受影響,原本覺得出遊是take it for granted的事,而家變得好遙遠。暫時放下旅人身份,Chris樂得嘗試旅遊以外的事,並作多方面發展。

出遊禁止,節目擱置
全球旅遊業大蕭條下,Chris 的工作通通擱置,原本3月定好的哥倫比亞旅行團同節目拍攝都 hold起。背遊系列原本預定4月開拍,目的地和行程亦已諗好,他更特登與攝影師去考多一個潛水牌,以方便拍攝。現在去不成,又因為季節性及其他因素,即使疫情完結,年內亦未必可出發,最快都要等到下年。

疫症期間工作減少,對收入一定有影響,但多了時間留在家,令他有更多時間計劃、實行之前想做但又冇時間完成的事。「現在主要收入來源是同旅遊冇直接關係的social media合作計劃,但做呢行同背包遊唔同,有種不確定性。但擁抱得未知嘅upside就要接受佢嘅downside,仍在努力學習中。」

梁彥宗不只等如背遊
雖然旅遊業完全停頓,但Chris沒有打算轉行:「唔會成世去唔到旅行嘅,會繼續做多方面不同嘗試,拍劇、電台分享都有做。亦想大家認識背遊以外的梁彥宗,令自己形象更立體,走出固有觀感,算是疫情自救嘅一種吧。」大學時主修生態及進化生物學的Chris,早前就應中大邀請,向學生分享文化保護及生態保育。「遲下亦會嘗試搞同環保、生態旅遊有關嘅project,呢個係我好大嘅passion,喺香港亦比較niche。手頭上,現在亦做緊一個新系列短片,叫《背遊生物學》,主題是我的最愛——動物。希望多啲人了解自然世界,算是我一個小小心願。」

Chris早前亦處男下海,為ICAC拍了《睇你識唔識Law》短劇。那次合作完全同旅遊無關,劇中Chris要同泰臣一齊鬥浮誇演技,提醒觀眾不同的法網陷阱。「好開心製作單位搵我,某程度上係一種鼓勵。平時拍旅遊節目,大部份係自己度橋,稿亦係自己寫,也較 casual;但這類有 message帶出嘅短劇有好多專業對白要記,同時又要做到喜劇效果,同旅遊節目是兩個不同嘅狀態。演戲方面,我當然係有海量嘅進步空間。」

亂入開Live
為了令大家唔好忘記自己,Chris在social media上十分活躍,不停分享「反正肉體冇得四圍去不如眼球出走」一系列旅遊相,又與老友周奕瑋(Jarvis)開Live。「幾年前差點可以合作拍一個旅遊單元,後來傾唔成,之後就各有各忙。今次疫情真係契機,大家都冇得飛,反而真係的起心肝試下一齊拍啲嘢。諗咗一輪,覺得逢星期日晚做live是最方便、最貼近大家生活,又可以同fans互動,仲唔使剪片,哈。」

撰文:賴洋洋
編輯:吳允、鄒仲安

-----------------------------
改善睡眠質素.助你安神減壓
《保健精讀:失眠》 秒速入眠
-----------------------------
抗病經歷・醫護報料
歡迎分享到《健康蘋台》報料專線: https://bit.ly/2vPHzrT
-----------------------------
立即去動物蘋台 ,飽覽主子大小事!
-----------------------------
App內1-Click訂閱《蘋果動新聞》
按此了解更多
原本與旅行社合作帶團去哥倫比亞,由他親自策劃行程,因疫情須暫時擱置,之後會再續。(受訪者提供)
原本4月開拍的背遊系列都hold起,惟有疫情後再出發。(受訪者提供)
Chris最愛動物,正製作新系列短片,名為《背遊生物學》。
疫情影響不能出遊, 他發起「反正肉體冇得四圍去不如眼球出走」,不停出post重溫舊照,圖為澳洲的海灘。(受訪者提供)
逢星期日同Jarvis開live,二人齊齊穿上校服談DSE,「反應好會繼續,唔好就收皮。」。(受訪者提供)
相關
3

塔斯曼尼亞攝影師留家抗疫 意外拍下罕見南極光

開通頂!蔦屋書店落戶羽田機場

Air Asia 推抗疫新制服 保護衣由頭包到落腳

塔斯曼尼亞攝影師留家抗疫 意外拍下罕見南極光

開通頂!蔦屋書店落戶羽田機場

Air Asia 推抗疫新制服 保護衣由頭包到落腳

留言

Follow us

短線遊

長線遊

熱門內容

港人移民8國門檻一覽 留學生台灣工作滿5年獲台籍 日本居住10年獲永住權

英國

續領BNO懶人包加疑難解答 持BNO入唔到日本境因印錯國籍

日本 東京

日本美魔女5個貼士教煮「成人向」咖喱 混搭咖喱磚、最緊要熄火?

旅遊廣告跌至零 里數KOL變退機票達人 小斯:唔好貪着數退credit

台灣 英國

英V&A、台灣史館徵藏物件 籌辦武漢肺炎博物館

最新推出

Follow us

確定下載《》旅遊指南?
(豐富內容約 MB)