果盤Life is Fruity 為生活調味

靠旅行拍片收入有限 拓女生攝影有市場 《旅巫》主持:做Slash安穩過打工

九十後旅遊blogger及攝影師陳韻行(Kanya),出版過遊記《陪我繞一點遠路好嗎》,亦主持過關於去秘魯尋巫醫的旅遊節目《旅巫》,是個不折不扣的Slash族。今次疫情影響唔少人的生計,但她慶幸自己唔使打死一份牛工,勝在夠靈活,在世紀大災難下仲有工開。

印度遊凍過水


全球封城,旅行成癮的Kanya已半年沒有出遊,「無得拍vlog,blog亦沒有更新太多旅遊資訊畀大家。原本計劃3月去尼泊爾行山,依家去唔成。而8、9月打算去北印度的Leh小鎮,睇現在的疫情發展,應該都凍過水了。畢竟我去的地方都比較原始、純樸,醫療設備也相對落後。」

靠攝影為生


當了3年Slash,Kanya的生計也未算受很大影響。「現在主要收入來源是寫稿及攝影。要多謝當初獨遊時,發覺自己幾鍾意影人,於是便決定返香港後做攝影工作,因為只靠旅行拍片,收入好有限,同時也想發展一下自己的事業。」Kanya仲話:「影家庭照的客暫時postpone,因有限聚令。而現在好多外遊婚攝亦取消,變成在香港影。」婚攝沒有違犯限聚令,一行3人攝影不受阻。「我比較多是在studio影,外拍比較少,出面多人都驚嘅。用開的studio的防疫工作亦做到足。健康申報表、量體溫、消毒全部都有,客人都好放心。」

好彩係Slash 族


做了3年Slash族,Kanya好肯定話唔會轉一份安穩的全職工作,好處在這個疫情下更見明顯。「我覺得做Slash或者比大多數人眼中安穩嘅工作更加安穩。打死一份工,幾安穩都面臨被解僱危機,如果公司生意受到嚴重影響,作為一個『安穩嘅員工』,其實能主動做到的卻好少。若果唔好彩被裁員後,呢個時勢仲難搵另一份工。而亦因為我係Slash族,就算一邊冇生意,都可以靠另一邊搵返。」

向女生攝影進發


婚攝、家庭照、孕照等主題Kanya都會影,「現在主要想好好善用女攝影師這個身份,拍多一點女生攝影。想影內衣照的女生原來比想像中多,可能女攝影師比較少,而唔少女生都想趁後生時影返輯相留念。我亦好鍾意影女仔造型照或者內衣照,兩個女仔易溝通,好多客人仲因而同我成為了好朋友。」

主持、出書都做


Kanya去年年尾出了遊記《陪我繞一點遠路好嗎》,將4年來去了40多個國家的經歷來個小總結,又幫ViuTV拍了旅遊節目《旅巫》。「聽到去秘魯拍攝旅遊節目,我已經好興奮,我超級鍾意南美,對印加文明同薩滿文化亦好有興趣。節目出街後多咗人認識,又可以將比較另類的旅遊題材帶畀大家,好有意義。」


點擊瀏覽更多疫市旅人系列:

「空中飛傭」傭仔兩度失業 捨空少包袱轉型做mean精KOL:條片係好多like,但之後呢?

節目開拍無期 轉型拍片講動物 背遊達人梁彥宗:冇打算完全轉行

撰文:賴洋洋


編輯:吳允、鄒仲安

-----------------------------

糖尿病飲食指南 低糖餐單大公開

穩定血糖 全靠《控糖天書》

-----------------------------

抗病經歷・醫護報料

歡迎分享到《健康蘋台》報料專線: https://bit.ly/2vPHzrT

-----------------------------

立即去動物蘋台 ,飽覽主子大小事!

-----------------------------

App內1-Click訂閱《蘋果動新聞》

按此了解更多

Kanya 現在最主要的收入來源是影家庭照和婚照。
節目《旅巫》Kanya同另一位主持Yoshi去秘魯,發掘神秘的薩滿文化。
紐西蘭南島露營車體驗。
新書《陪我繞一點遠路好嗎》,結集遊歷40多個國家的遊記。
相關
3

父親節推介!文華東方破底價$1,963起 餐飲7折最着數

土耳其計劃6月中起分階段解封 首波中韓旅客都可入境

港人移民8國門檻一覽 留學生台灣工作滿5年獲台籍 日本居住10年獲永住權

父親節推介!文華東方破底價$1,963起 餐飲7折最着數

土耳其計劃6月中起分階段解封 首波中韓旅客都可入境

港人移民8國門檻一覽 留學生台灣工作滿5年獲台籍 日本居住10年獲永住權

留言

Follow us

短線遊

長線遊

熱門內容

港人移民8國門檻一覽 留學生台灣工作滿5年獲台籍 日本居住10年獲永住權

英國

續領BNO懶人包加疑難解答 持BNO入唔到日本境因印錯國籍

日本 東京

日本美魔女5個貼士教煮「成人向」咖喱 混搭咖喱磚、最緊要熄火?

旅遊廣告跌至零 里數KOL變退機票達人 小斯:唔好貪着數退credit

台灣 英國

英V&A、台灣史館徵藏物件 籌辦武漢肺炎博物館

最新推出

Follow us

確定下載《》旅遊指南?
(豐富內容約 MB)